Montaudran

Un article de Wikipèdia, l'enciclopèdia liura.
La glèisa de Montaudran

Montaudran es un quartièr pauc dens de Tolosa situat al sud-èst de la vila, fins a Ers. Es celèbre mercé a la companhiá de l'Aéropostale e son aerodròm que foguèt lo luòc de partença dels davancièrs de l’aeronautica entre 1917 e 1933 per las primièras e las mai longas de las linhas aerianas comercialas amb de vòls postals cap a Casablanca, Dakar... puèi cap a l'America del Sud.

L'aerodròm[modificar | Modificar lo còdi]

La pista de l'aerodròm en 2010

La pista d'aquel aerodròm traversada per una rota es situada un pauc al sud de la via de tren Tolosa - Narbona e parallèla a aquela. Fins als ans 1970, las usinas Louis Breguet utilizavan aquela coma pista d'envòl e d'aterratge e pista d'ensag d'avions de reparar (alara que la construccion d'avions ja se fasiá a Colomièrs). Lo darrièr envòl d'un avion data del 18 de decembre de 2003[1].

Urbanisme[modificar | Modificar lo còdi]

Aquel quartièr es en renovèlament urban total. De lotjaments se construsisson fòrça lèu alara que se preparan a recebre lo site d'Aerospace Campus sus l'anciana pista d'aviacion entre la via de tren e la rocada, qu'ambiciona de devenir lo campus pus performent d'Euròpa dins lo domeni de l'aerospaciala amb entre autres lo futur sèti de Galileo.

Ligasons[modificar | Modificar lo còdi]

Lo quartièr es desservit per:

  • la gara SNCF de Montaudran
  • Las linhas de bus Tisséo 51 68 e 108
  • Possibilitat de novèla ligason amb per exemple lo tram

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Montaudran.

Notas[modificar | Modificar lo còdi]

  1. https://web.archive.org/web/20160306132823/http://sud-aerien.org/breve611.html