Moneda fiduciària
La moneda fiduciària (dau latin : fiducia, fisança) es la moneda que sa valor es fondada sus la fisança acordada a son emetor car sa valor nominala es superiora a sa valor intrinsèca. Per exemple, es lo cas dei bilhets de banca actuaus que sa valor es assegurada per una banca centrala. Aqueu tipe de moneda apareguèt en Asia a la fin dau sègle X amb lei jiaozis chinés e en Euròpa a partir dau sègle XVII. Amb lo renfòrçament dei poders economics deis Estats, son usatge se generalizèt pauc a pauc e la moneda fiduciària remplacèt lentament la moneda metallica que sa valor correspondiá a la quantitat de metaus preciós contenguts dins la pèça ò lo lingòt. Uei, fòrma una partida importanta dei cambis monetaris de la vida vidanta.