Michel Abalan
Michel Abalan (5 de junh de 1920, Brèst - 16 de febrier de 2000, Saint-Renan) es un oficier dei Fòrças Francesas Liuras nomat Companhon de la Liberacion lo 17 de novembre de 1945.
En 1940, èra a preparar lo concors d'admission de l'escòla de Saint-Cyr e, refusant la desfacha francesa, decidèt de s'embarcar tre lo 18 de junh per contuniar lo combat en Anglatèrra. Afectat a divèrseis unitats de la França Liura (batalhon de caçaires de Camberley, batalhon dau Pool, espahis marroquins), venguèt oficier e participèt ai campanhas d'Egipte, de Libia, de Tunisia, dei Vòges e a la Liberacion de París. Après la guèrra, foguèt administrator coloniau, prefècte e cargat de missions per l'Educacion Nacionala.
En mai de l'Òrdre de la Liberacion, èra recipiendari de la Legion d'Onor, de la Crotz de guèrra 1939-1945, de la Crotz de guèrra dei Teatres d'operacions exterioras, de la Medalha deis Evasits, de la Crotz dau combatent volontari, de la Crotz dau combatent volontari de la Resisténcia, de la Crotz dau combatent, de l'Ensenha dei bleçats militars, de la Medalha commemorativa dei servicis volontaris dins la França Liura, de la Medalha Coloniala e de l'Òrdre de l'Estèla d'Anjoan.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Musée de l'Ordre de la Libération, biografia « Michel Abalan », consultada lo 21 d'abriu de 2024, [1].