Gadus morhua
Merluça de l'Atlantic
VU A1bd : Vulnerable
La merluça (Gadus morhua) es una espècia de peis de la familha Gadidae (que compta aperaquí 60 espècias). Dins l'ocean Atlantic occidental, la merluça es presenta al nòrd del cap Hatteras, en Carolina del Nòrd, e a l'entorn de las doas còstas de Groenlàndia e de la mar de Labrador; dins l'Atlantic oriental, òm la tròba del golf de Gasconha al nòrd fins a l'ocean Artic, i comprés la mar Baltica, la mar del Nòrd, la mar de las Ebridas[1] las regions a l'entorn d'Islàndia e la mar de Barents.
Le pus gròs individu jamai enregistrat mesurava 1,5 m de long e pesava 47 kg, mas generalament la merluça mesura entre 61 cm e 1,2 m de long e pesa fins a 40 kg. Los mascles e las femes son de talha e de pes similaris [2][3].
La merluça franca pòt viure 25 ans e atenh abitualament sa maturitat sexuala entre dos e quatre ans [4], e mai que la merluça del nòrd-èst de l'Artic posca metre fins a uèch ans per arribar a maturitat. La coloracion es bruna o verda, amb des tacas sus la fàcia dorsala, un degradat argentat ventralament. Una benda long de sa linha laterala (que servís per detectar les vibrations)[5] es clarament vesedoira. Son abitat s'estend del ribatge costièr a 305 m long del plan continental. La merluça franca es una de las espècias pus pescadas. La merluça de l'Atlantic foguèt pescada pendent mila ans per de pescaires nòrd-europèus que l'an seguida a travèrs l'ocean Atlantic Nòrd fins en America del Nòrd. Sosteniá l'economia de la pesca als Estats Units e en Canadà fins en 1992, data a laquala la pesca a la merluça foguèt enebida. Plusors estòcs de merluça se son afondrats dins las annadas 90 (demesits de mai de 95% de la biomassa istorica maximala) e an pas poscut se restablir completament quitament amb l'arrèst de la pesca. Aquela abséncia de superpredator menèt a una cascada trofica dins de nombrosas regions. Nombroses autres estòcs de merluça demòran amenaçats. La merluça franca es classada vulnerabla sus la Lista roja de l'UICN de las espècias amenaçadas.
Referéncias
[modificar | Modificar lo còdi]- ↑ C.Michael Hogan, (2011) Sea of the Hebrides Modèl:Ligamweb. Eds. P. Saundry & C.J.Cleveland. Encyclopedia of Earth. National Council for Science and the Environment. Washington DC.
- ↑ [1]. ISBN 978-0-375-41224-0.
- ↑ .
- ↑ O'Brien, L., J. Burnett, and R. K. Mayo. (1993) Maturation of Nineteen Species of Finfish off the Northeast Coast of the United States, 1985–1990. NOAA Tech. Report. NMFS 113, 66 p.
- ↑ (2009-03-01) Lateral line system of fish 4, 13–25. DOI:10.1111/j.1749-4877.2008.00131.x.
