Maurice Berger (resistent)
Maurice Berger (3 de març de 1901, París - 27 d'abriu de 1945, Krepenice) es un militar e un resistent francés. Intrat lo 25 de junh de 1926 dins la legion de la garda republicana de París, foguèt nomat a Riam onte participèt au sauvament de plusors judieus en lei liberant de preson ò en refusant de leis arrestar. Arrestat per la Gestapo lo 3 de febrier de 1944, foguèt deportat en Alemanha e en Boèmia-Moràvia onte moriguèt dins lo camp de Krepenice lo 27 d'abriu de 1945. Recebèt lo títol de Just entre lei Nacions lo 12 de març de 1996.
Lo comedian Éric Berger (nascut en 1969) es son felen.