Margarida de Bearn
Margarida de Bearn o Margarida de Montcada (ca 1245/1250 - 1319) qu'èra la hilha deu vescomte Gaston VII de Bearn (e l'eretèra de la soa sòr Constança, era medisha eretèra shens nat posteritat deu vescomte) e de Mata de Mata, vescomtessa de Marsan. Que ho atau vescomtessa de Bearn de 1290 a 1310. Qu'esposè Rogèr-Bernat III de Fois (co-princi d'Andòrra) en bèth juntar atau Fois, Bearn e la meitat d'Andòrra.
A maugrat deu testament en favor de Margarida, Rogèr-Bernat de Fois qu'aucupè Bearn autoritariament e dab la contestacion de Bernat VI d'Armanhac, espós de Mata de Bearn, la sòr capdeta de Margarida. Fin finala lo rei Felip IV de França (Lo Bèth) qu'arbitrè lo plèit en favor deu comte de Fois. Aqueth episòdi qu'aubrí l'istòria ahuecada deu conflicte enter los ostaus de Bearn e d'Armanhac.
| Precedit per Gaston VII |
Vescomte de Bearn Amassa dab Rogèr-Bernat III de Fois |
Seguit per Gaston VIII |
