Man invisibla

Un article de Wikipèdia, l'enciclopèdia liura.
Anar a : navigacion, Recercar

Lo principi de la man invisibla es una forma metaforica inventada per l'economista escocés Adam Smith. La trobam dins divèrses escriches sieus e subretot dins La Riquesa de las Nacions. La metafòra ensaja de descriure lo mecanisme amb que un individú que pretend d'obtenir un benefici personal e que concentra son esfòrç a lo capitar, fin finala acaba en estimulant l'economia de sa comunitat e en melhorant lo nivèl de benestar d'aquela, pasmens qu'aqueste serà pas partit de son desir inicial.

« Es pas a causa de la bontat del maselièr, del bierraire ni del fornièr qu'esperam de poder sopar, mas perque aquestes miran cap als seus pròpris interèsses »[1].

Los seus pròpris interèsses son çò d'obtenir de beneficis derivats de las vendas de sos produches a de consumidors potencials. De lor costat, aqueles consumidors satisfaràn de necessitats mercé a l'interès egoïsta del maselièr, del bierraire e del fornièr. Tanpauc, l'idèa primièra d'aqueles es pas aquela de melhorar lo nivèl de benestar de la comunitat mas simplament d'obtenir un benefici.

« ...governant aquela industria de biais que lo seu produch siá de la majora valor possible, aquel cèrca sonque lo seu pròpri benefici, e per aquò, coma dins fòrça autres cases, es dirigit per una man invisibla per aténher una fin qu'èra pas partit de la seuna intencion »[2].

Referéncias[modificar | modificar la font]

  1. La Riquesa de las Nacions. Libre I. Capítol II.
  2. La Riquesa de las Nacions. Libre IV. Capítol II.