Malik ibn Anas
Malik ibn Anas (entre 708 e 716, Medina - 7 de junh de 795, Medina) es un teologian musulman dau sègle VIII. Es l'autor dau Kitab al-Muwatta, un important obratge d'estudi de l'islam, e lo fondator dau malikisme qu'es una dei quatre escòlas de jurisprudéncia dau sunisme actuau.
Figura fòrça respectada de Medina, menèt una importanta òbra de collèctas de hadiths e de règlas de jurisprudéncia. Lei sintetizèt dins lo Kitab al-Muwatta, un obratge que fondèt l'estudi deis ensenhaments e deis accions de Maomet. Certanei partidas presentan tanben un apròchi sociologic. Sei trabalhs foguèron saludats per sei contemporanèus. Venguèron la basa dau malikisme, una escòla de jurisprudéncia de l'islam sunita que presenta la particularitat d'integrar lei costumas deis abitants de Medina de l'epòca de Maomet dins la jurisprudéncia musulmana. Aquò i a favorizat l'acceptacion de tradicions popularas que son refusadas per lei tres autreis escòlas de jurisprudéncia. Aqueu corrent es actualament influent en Africa dau Nòrd e en Africa de l'Oèst.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Mohammad Aboû Zahra, L'imam Mâlik, Al-Qalam, 2007, 392 p.
- (fr) Saʻd al- Gurāb, Ibn Arafa et le malikisme en Ifriqiya aux VIIIe / XIVe siècles, Études arabo-islamiques-Paris 3, 1984.