Majuli

Un article de Wikipèdia, l'enciclopèdia liura.
Salta a la navegació Salta a la cerca
Una vista de Majuli

Majuli (মাজুলি en assamés) es una illa fluviala situada sul flume Bramapotra dins l’estat indian d’Assam. En 2016, venguèt la primièra illa a constituïr un districte en Índia. Sa populacion estimada en 2011 èra de 167,304 personas.

L'illa qu'aviá una superfícia de 880 quilomètres carrats al començament del sègle XXen, perdiguèt una part significativa de son terriròri per encausa de l'erosion per athéner 352 quilomètres carrats en 2014. L'illa es enrodada per mai d'una aigas, al sud raja Bramapotra mentre qu’al nòrd se jonhon una anabranca du Bramapotra que li dison Kherkutia Xuti e lo flume Subansiri. L'illa de Mājuli es accessible per ferry dempuèi la vila de Jorhat. L'illa se trapa a aperaquí 300 a 400 quilomètres a l'èst de la vila pus granda de l'Estat, Guwahati. Majuli es un luòc sant per l'indoïsme, especialament la tradicion vishnoîsta.

Dempuèi 1979 lo militant ecologista local Jadav Payeng i plantèt un bòsc de 550 ectaras, que li dison bòsc de Molai, per lutar contra l'erosion de l'illa. Una granda part de l'illa èra constituïda de bancs de sabla esterils vulnerables a l'erosion, mas gràcia al boscament de Payeng, venguèt una selva luxurianta. Lo bòsc es vengut un abitat pels animals, especialament d'elefants, de tigres, de cèrvis e de voltors.