MC Solaar

Un article de Wikipèdia, l'enciclopèdia liura.
MC Solaar (Claude M'Barali)

MC Solaar, de son nom vertadièr Claude M'Barali, es un rapaire francés d'origina chadiana, nascut lo 5 de març de 1969 a Dakar (Senegal). Es ambe Benny B l'un dels primièrs artistas a aver popularizat lo rap urban francofòn a la debuta de las annadas 1990.

Biografia[modificar | Modificar lo còdi]

Es pas qu'un nenet annadit de sièis meses sonque quand sos parents arriban en França e s'installan còsta París.

A viscut son enfància en banlega e s'es impregnat aital de la cultura urbana francesa e parisenca de las annadas 80[1], dins un mitan plan influenciat tanben pel modèl american : coma fòrça joves urbans de sa generacion, Claudi s'interèssa a la scèna rap emergenta dels Estats Units.

Es aital qu'enregistra en 1990 Bouge de là, son primièr 45 torns de rap en francés, mentre qu'es un estili encara pauc popular en França : se lo frasejat rap es de còps emplegat de faiçon illustrativa, per colorar d'un biais anecdotic d'unes tròçis de la disco-pop francesa de las annadas 80 coma dins Chacun Fait (C'Qui Lui Plait) de Chagrin d'Amour (1981), dins Vacances, j'oublie tout d'Élégance (1982), dins París latino de Bandolero (1983) o encara coma se pòt ausir dins lo final de Nuit de folie de Début de Soirée (1988), en realitat, degun en 1990 en França a pas encara enregistrat o almens agut de capitada ambe un pur tròç de rap urban en francés dins l'esperit d'aquel ja popular als Estats Units. D'aqueste biais, MC Solaar ambe la capitada de sa cançon Bouge de là en 1991 foguèt l'un dels primièrs cantaires populars dins aquel registre precís, lo rap urban francofòn dit retrospectivament old school, còsta Benny B al meteis moment.

Discografia[modificar | Modificar lo còdi]

  • 1991 : Qui sème le vent récolte le tempo
  • 1994 : Prose combat
  • 1997 : Paradisiaque
  • 1998 : MC Solaar
  • 2001 : Cinquième As
  • 2003 : Mach 6
  • 2007 : Chapitre 7
  • 2017 : Géopoétique

Cançons mai conegudas[modificar | Modificar lo còdi]

  • Bouge de là (1991, basat sus The Message de Cymande)
  • Victime de la mode (1991)
  • Caroline (1992, basat sus Save the world de Southside)[2]
  • Qui sème le vent récolte le tempo (1992)
  • Le bien, le mal (1993, ambe Guru)
  • Nouveau Western (1993, basat sus Bonnie and Clyde de Serge Gainsbourg e Brigitte Bardot)[3]
  • Séquelles (1994)
  • Obsolète (1994)
  • La concubine de l'hémoglobine (1995)
  • Gangster moderne (1997)
  • Les temps changent (1997)
  • Solaar pleure (2001)
  • Hasta la vista (2001)[4]
  • Inch'allah (2002)

Referéncias[modificar | Modificar lo còdi]

  1. https://www.ina.fr/ina-eclaire-actu/mc-solaar-le-poete-du-rap-francais
  2. http://www.chartsinfrance.net/MC-Solaar/Caroline-sc1449.html
  3. http://www.chartsinfrance.net/MC-Solaar/Nouveau-western-sc1818.html
  4. http://www.chartsinfrance.net/MC-Solaar/Hasta-la-vista-sc4009.html