M41 Walker Bulldog
Lo M41 Walker Bulldog es un carri leugier concebut a la fin de la Segonda Guèrra Mondiala per remplaçar lo M24 Chaffee. Intrèt en servici en 1953 dins lei fòrças armadas estatsunidencas e foguèt exportat dins plusors país. La produccion durèt de 1951 a 1954 e menèt a la sortida de 5 467 exemplaris. Lo carri èra armat d'un canon de 76 mm e podiá passar 70 km/h sus rota. Pasmens, son blindatge èra limitat a 32 mm. De mai, lo M41 aviá inicialament de problemas amb son telemètre. Un autre problema, jamai totalament reglat, èra la question de la consumacion de carburant qu'èra relativament important per un carri leugier.
Au combat, lo M41 participèt au desbarcament de la Baia dei Pòrcs, a la Guèrra de Vietnam e a divèrsei conflictes locaus en Africa e en Orient Mejan. D'un biais generau, son canon èra tròp feble per destrurre un carri de combat principau ai distàncias normalas de combat. En revènge, lo M41 aguèt de resultats positius còntra lei blindats pus leugiers ò lei carris mejans coma lo T-34/85. La màger part deis armadas modèrnas lo retirèron dins leis ans 1970-1980, mai quauqueis armadas, pauc susceptiblas d'intrar en guèrra ò encargadas d'operar dins d'environaments umids, l'an gardat dins seis arsenaus.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (en) Christopher F. Foss, Jane's World Armoured Fighting Vehicles, Macdonald and Jane's Publishers Ltd, 1976.