Lola
Lola ei un perhum femenin creat er an 2009 pes nassi Calice Becker e Ann Gottlieb en quadre deth grop de mòda deth dissenhaire Marc Jacobs. Ei pensat especiaument entàs gojates joenes que volguen mostrar eth sòn biais mès sensuau e respon as espectatives mès introspectives de Marc Jacobs : crear ua mòda gausaira en tot cercar era faiçon d'innauar a fin d'enluar eth nombre mès grand possible de consumidors. Gessec ara venta er agost de 2009 e era mèrca apostèc damb fortetat pera publicitat protagonizada pera modèla Karlie Kloss.
Concepcion dera fragància
[modificar | Modificar lo còdi]Enes darrièrs ans, eth dissenhaire Marc Jacobs a devengut un des maxims exponenti dera mòda. Lola, era sua segona fragància, a plan a veire damb era sua precedenta, Daisy. En tot aperar es fragàncies damb un nòm de persona artenhen dar-les personalitat pròpria e hèr-les mès proplèes as consumidores. Eth nòm de Lola siguec causit pera sua sonoritat linguau especiau e vòu suggerir es proprietats d'aguest perhum. Lola siguec concebuda coma era fraia desvergonhada de Daisy. Aguesta pòrte un aròma doç, peguito, elegant e actuau, en tot que Lola ei eth caractèr opausat, pr'amor que transmet energia, sensualitat e molta fòrça enluadora.
Composicion
[modificar | Modificar lo còdi]Se hè arremercar pera sua aroma florau e afrutada. Pòrte nòtes de pebe arròsa e pera d'Anjou en tot laissar percéber es pinceuades de peònia fúcsia, arròses, geranis e vainilha.
Eth flascon ei de veire padegadament transparent de color mauva e represente eth viu reflèisse des sensacions que transmet era fragància. Era sua forma lisca, arredonida, mès ampla pes costats e estreta pera partida inferiora preten anar en consonància damb er estil des consumidores. Eth caperader a forma d'arròsa dubèrta damb petales ludentes de color arròsa, mauva e blu.