Lo paure Satan

Lo paure Satan es un Nadalet (cançon de Nadal) plan conegut en Occitània. Foguèt escricha al Sègle XVII a Avinhon, e es conservada dins un manuscrit de la catedrala Nòstra Dòna dei Doms.

Lo paure Satan es blet
Se'n va cuèch coma un polet
Morrà de la macadura
Tura lura lura
I a un pichòt que lo tafura
Lan lan tura lura lura lo.

L'enfant que ven d'arribar
L'a quasi coma crebat
L'a mes en paura postura
Tura lura lura
Pareirà plus qu'en pintura
Lan lan tura lura lura lo.

La Pruneta e lei Mions
Li an donat de baston
L'an colhut dins la fritura
Tura lura lura
Sembla paura pescadura
Lan lan tura lura lura lo.

Se disiá diable d'onor
E fasiá lo grand senhor
A mordut una poma dura
Tura lura lura
Una poma non madura
Lan lan tura lura lura lo.