Loís Noirit
Loís Noirit (en francés Louis Nourrit; Montpelhièr, 4 d'agost de 1780 – París, 23 de setembre de 1832) foguèt un tenòr occitan.
Biografia[modificar | Modificar lo còdi]
Loís Noirit nasquèt a Montpelhièr en 1780 dins una familha de negociants. Se destinava tanben a viure del comèrci e gardèt la passion de las pèiras preciosas tota sa vida. Participava coma enfant de còr a la Collegiada de Montpelhièr ont aprenguèt la musica. Remarcat per un representant del Conservatòri de París en cerca de talents, foguèt mandat al Conservatòri de París en 1802 ont recebèt los corses del famós cantaire francés Pierre-Jean Garat.
Debutèt en 1805 dins lo ròtle de Renaud dins Armide, e venguèt puèi primièr tenòr en 1812. Se retirèt en 1826. Aguèt alara de ròtles principals coma los d'Orfèu, d'Aladin (de Nicolò), de Harem (dins La Caravane du Caire de Grétry) e de Colin (dins Le Devin du village). Parallèlament a sa carrièra musicala, menava un comèrci de diamants que li portèt fòrça beneficis.
Loís Noirit èra lo paire dels tenòrs Adolf Noirit e August Noirit.
