Lista dei rotas nacionalas de França

Ponch zèro dei rotas de França que si situa davant la Catedrala de Noastra Dòna a París.

Lei rotas nacionalas son, en França, de vias importantas o que travèssan de porcions larjas dau territòri, per ouposicion ai rotas departamentalas o comunalas. L'usatge n'es gratuit, levat au moment de passar certans oubratges d'art que son somés an un peatge. Son dubèrtas per toi lei veïcules, franc de certanei seccions qu'an l'estatut de via rapida o d'autorota.

La construccion, l'entretenança e l'esplecha d'aquelei vias son a carga de l'Estat ; fins en 2006, lei direccions departamentalas de l'Equipament leis avián a carga.