Linha Hindenburg
La linha Hindenburg es una linha fortificada alemanda construcha sus lo frònt de l'Oèst en 1916 e 1917. D'una longor de 160 km, anava de Lens a Soissons e èra constituïda de tres linhas de trencadas. La prefondor dau dispositiu èra de 10 km e leis Alemands avián chausit de posicions autas per ne'n facilitar la defensa. Considerat coma inexpugnabla, aquela linha arrestèt leis ofensivas francesas durant la Batalha dau Camin dei Damas en abriu e mai de 1917. Pasmens, èra mau adaptada au desvolopament de l'artilhariá mobila e dei carris. Ansin, durant l'Ofensiva dei Cent Jorns, leis Aliats passèron sei defensas dins plusors sectors e leis Alemands foguèron obligats de l'abandonar.