Lingulata
Los Lingulata son una classa de braquiopòdes, demest los mai ancians braquiopòdes qu'aguèssen existit ja abans lo Cambrian (mai de 550 MA). Las formas actualas son longtemps estadas consideradas coma de fossils vivents, e o son de còps encara pels paleontològs, perque sola lor cauquilhas èra estudiadas. Gràcias a de descripcions recentas de lor anatomia tant çò las formas actualas coma fossilas, lor evolucion morfologica es estada mesa en evidéncia e los concèptes ancians - considerats encara coma tradicionals - son pauc a pauc abandonats. Çaquelà, los Lingulata presentan de formas de cauquilhas fòrça variadas, quitament çò las espècias actualas. Aquestas apartenon a las doas superfamilhas dels Linguloidea (familha dels Lingulidae : genre Lingula e Glottidia) e dels Discinoidea (familha dels Discinidae : genres Pelagodiscus, Discina, Discinisca, Discradisca).
Taxons de reng inferior
[modificar | Modificar lo còdi]S'agís dels òrdres seguents :
- Acrotretida (atudat)
- Lingulida
- Siphonotretida (atudat)
Lo genre Lingula
[modificar | Modificar lo còdi]Lo genre Lingula Bruguière, 1791 foguèt longtemps considerat - a tòrt - coma lo genre animal conegut mai ancian. Aqueste genre a l'origina indopacifica es recoltat per la consomacion umana de Japon fins a Austràlia. Son extension geologica va del començament del Terciari, benlèu del Cretacèu, fins a nòstres jorns.