Linfocit B

Un article de Wikipèdia, l'enciclopèdia liura.
Anar a : navigacion, Recercar
Fotografia d'un linfocit B.

Lei linfocits B son un grop de cellulas dau sistèma immunitari. Son la basa dau sistèma immunitari especific umorau. D'efèct, un linfocit B donat es especializat dins la lucha còntra un antigèn unic. Dins lo cas d'una infeccion de l'organisme per un antigèn, lei linfocits B especifics d'aquel antigèn pòdon èsser activats. Aquò entraïna sa multiplicacion fòrça rapida per proliferacion cellulara e sa diferenciacion en :

  • plasmocits que son de cellulas capablas de produrre de quantitats gròssas d'anticòrs. Puei, aqueleis anticòrs van se se fixar sus son antigèn especific per lo neutralizar e per facilitar sa fagocitòsi.
  • linfocit B de memòria que son cellulas amb una durada de vida lònga. Aquò permet a l'organisme de gardar una remembrança de l'antigèn. Dins lo cas d'un rescòntre novèu, entraïna una reaccion immunitària fòrça rapida que permet de redurre pus rapidament l'infeccion a l'origina de l'intrada de l'antigèn dins l'organisme.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]