Leslie Jones

Un article de Wikipèdia, l'enciclopèdia liura.
Anar a : navigacion, Recercar

Leslie Jones es un cap d'orquèstra britanic nascut en 1905 e mòrt en 1982[1].

Enregistraments[modificar | modificar la font]

Enregistrèt de nombrosas sinfonias de Joseph Haydn mai que mai a la fin de las annadas 1960, ambe l'orquèstra que fondèt, The Little Orchestra of London (La Pichona Orquèstra de Londres), mas tanben d'òbras de Carl Philipp Bach, Beethoven (Sinfonias 1 e 8), Georg Friedrich Händel[2]. L'orquèstra de Jones èra mai que mai una orquèstra d'enregistraments: faguèt pas gaire de concèrts.

Sos editors èran primièrament Pye e aprèp Nonesuch, que faguèt la màger part des enregistraments. Sembla pas que i aja agut cap de reedicion en disque compacte. Las interpretacions haydnianas de Leslie Jones, d'esperit modèrne, amb de qualitats d'exactitud, de recèrca d'autenticitat, e qu'anonciavan las versions istoricament informadas (per exemple, menuets rapides per l'epòca) foguèron plan aculhidas per la critica, amai francesa[3].

Referéncias[modificar | modificar la font]

  1. Ficha sus VIAF
  2. Antony Hodgson, in Classic Record Collector, 2005, Winter, citat per https://www.youtube.com/watch?annotation_id=annotation_553318&feature=iv&src_vid=V_oVxLIhbEE&v=lH1fbMWRsuM
  3. Dictionnaire des disques Diapason, edicions Robert Laffont, 1984