Les Garçons Bouchers

François Hadji-Lazaro, compositor de Pigalle e dels Garçons Bouchers (aquí en 2015)

Los Garçons Bouchers èran un grop de punk puèi de rock francés fondat en region parisenca en 1986. Ambe Bérurier Noir, los Wampas o Ludwig von 88, los Garçons Bouchers son estats l'un dels grops màgers del rock independent francés dit alternatiu de la fin de las annadas 80. Lo grop s'es desseparat au mes d'abril de 1997.

Biografia

Au començament, los Garçons Bouchers fan de punk e t'an per cantaire Éric « Blitz » Liszt. Aital son a l'iniciativa d'un dels imnes del punk francés : La bière.

Éric « Blitz » Liszt quita lo grop en 1988. Alavetz, lo grop s'estabilisa autorn del musician e compositor François Hadji-Lazaro e del novèl cantaire Pierrot « Sapu » (Pierre Fabre). D'ara enlà, lor musica glissa progressivament del punk rock (Carnivore, Le rap des Garçons Bouchers) cap al rock parodic (La lambada, on n'aime pas ça) e quitament de còps a la cançon francesa (Province Paris, Arthur), ambe d'influéncias trad pr'amor de l'emplec de vièla a ròda, violon, armonicà etc.

En mai d'ètre lo compositor e co-cantaire dels Garçons Bouchers, François Hadji-Lazaro es tanben compositor e cantaire d'un autre grop, Pigalle, aqueste clarament mai orientat cançon francesa e musica tradicionala (Pigalle, Dans la salle du bar tabac de la rue des Martyrs, Patate...). E de còps, lo monde fan sovent la confusion entre los dos grops.

Entre 1986 e 1995, los Garçons Bouchers sortiguèron cinq albums, sièis se l'òm pren en consideracion lor primièr enregistrament autoproduit de 1986.

Lo paure François Hadji-Lazaro defuntèt lo dissabte 25 de febrièr de 2023.

Discografia

• 1986: Speed Oi music ! (demò 9 títols, autoproduccion)
• 1987: Les Garçons Bouchers (primièr album)
• 1988: Tome 2
• 1990: On a mal vieilli
• 1992: Vacarmélite ou la nonne bruyante
• 1995: Écoute, petit frère !

Cançons mai conegudas

• La bière (1987)
• Carnivore (1988)
• Le rap des Garçons Bouchers (1988)
• Du Beaujolais - Pour oublier la nuit où est partie Marie... (1989, parodia en francés de No milk today de Herman's Hermits)
• Sale gueule (1990)
• La Lambada, on n'aime pas ça (1990, parodia de La Lambada)
• Sale gueule (1990)
• Bourré Bourré Ratatam (1992)
• Province - Paris (1992)
• Quelquefois (1992)
• Arthur (1995)
• Écoute, petit frère ! (1995)