Leontina Goirand
Leontina Goirand (en francés Léontine Goirand; Alès, 21 de novembre de 1853 – 25 de julhet de 1923) foguèt una escrivana occitana de la Cevena escaissada "Felibressa d'Arena". Èra la cosina de Maurici Faure.
Biografia[modificar | Modificar lo còdi]
Leontina Goirand nasquèt a Alès en 1853, filha de Joan Pèire Goirand un politician e erudit del país. Foguèt durant una amassada poetica que se debanèt al Castèl d'Arena lo 28 d'agost de 1876 que Loís Romieu donèt a Leontina Goirand l'escais de "Felibressa d'Arena".
Per encausa de sa granda beutat, ennauçada per sos uèlhs blaus, foguèt considerada coma la musa de divèrses poètas coma per exemple Baptista Bonet. Se maridèt en 1882 amb E. Matieu e en aquela escasença recebèt un omenatge dels felibres mai prestigioses d'aquel temps jos forma d'un recuèlh sonat Lo capelet noviau.
Presidiguèt la distribucion de recompensas als Jòcs Florals que se celebrèron a Alès en 1889.
Òbras[modificar | Modificar lo còdi]
- Lei Risent de l'Alzon, poesia provençala de la Felibressa d'Arena (1882)