Leon de Trípols

Representacion dau pilhatge de Tessalonica dins un manuscrit bizantin dau sègle XI ò XII.

Leon de Trípols es un renegat e un marin grèc de la premiera partida dau sègle X qu'èra au servici deis Arabes. Nascut dins una familha bizantina, foguèt capturat per d'Arabes e convertit a l'islam. Comencèt alora una carriera de marin que li permetèt de venir amirau. Durant leis ans 900-910, menèt divèrseis expedicions en Mar Egèa còntra lei vilas e lei naviris bizantins. En particular, capitèt de pilhar Tessalonica en 904, menacèt Constantinòble tres ans pus tard e infligiguèt una importanta desfacha a la flòta imperiala en 912. Demorèt una menaça importanta fins a la destruccion de sa flòta en 924 per Joan Radinos. Segon lei racòntes de la batalha, capitèt de s'enfugir mai la fin de sa vida es desconeguda.

Liames intèrnes

• Empèri Bizantin.

Bibliografia

• (en) Rashad Khoury Odetallah, "Leo Tripolites - Ghulām Zurāfa and the Sack of Thessaloniki in 904", Byzantinoslavica, 56 (1) : 97–102.