Leon Malaviala

Leon Malaviala (en francés: Léon Malavialle; Tuissan, 29 de julhet de 1860 - Montpelhièr, 17 de julhet de 1924) èra un politician occitan de Lengadòc que foguèt deputat d'Aude de 1910 a 1919.

Biografia

Leon Malaviala nasquèt a Tuissan en 1860 dins una familha de notables del país, son paire èra notari. De 1871 a 1878 faguèt los estudis a Carcassona. Aprèp qu'obtenguèt son bachilierat de letras e sciéncias se n'anèt a París ont seguiguèt de corses de retorica al licèu Louis-le-Grand. Dintrèt en 1879 a l'Escòla Normala Superiora. L'an seguent capitèt sa licéncia de letras e en 1882 obtenguèt l'agregacion d'istòria e geografia.