Laureano Vallenilla Lanz

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Laureano Vallenilla Lanz (realizada dins lo corrent deis annadas 1920).

Laureano Vallenilla Lanz (10 de novembre de 1870, Barcelona (Veneçuèla) - 16 de novembre de 1936, París) èra un òme politic e un intellectuau veneçolan. Ocupèt la presidéncia dau congrès durant lo periòde de la dictatura de Juan Vicente Gómez.

Partisan de la dictatura instaurada en 1913 per lo generau Juan Vicente Gómez, ne foguèt un defensor important e assaièt de li donar una legitimitat intellectuala ambé lo concèpte de cesarisme democratic. Segon aquela idèa, lei raças umanas èran pas basadas sus la biologia mai sus de construccions socialas e culturalas. Ansin, per Lanz, l'instauracion d'una dictatura èra acceptabla car permetiá de bastir un estat nacion veneçolan e de crear ansin una raça veneçolana pròpria a partir d'una morala pura. Aquelei tèsis foguèron fòrça contestadas. Pasmens, foguèron utilizadas per mai d'un estat autoritari d'America dau Sud per justificar la repression dei partits d'oposicion politics.

Laureano Vallenilla Lanz abandonèt sei cargas politicas après la mòrt de Juan Vicente Gómez en 1935. Moriguèt aperaquí un an pus tard en París d'una infeccion pulmonara. Enterrat en París, son còrs foguèt transferit en Veneçuèla en 1955 durant lo periòde de la dictatura militara dau coronèu Marcos Pérez Jiménez.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]