Las Doas Torres

Un article de Wikipèdia, l'enciclopèdia liura.
Salta a la navegació Salta a la cerca

Las Doas Torres (en anglés The Two Towers) es la segonda partida del roman Lo Senhor dels Anèls de J. R. R. Tolkien. Pareguèt al Reialme Unit Jos l'edicion Allen & Unwin l'11 de novembre de 1954.

Resumit[modificar | modificar la font]

Libre III[modificar | modificar la font]

Lo primièr libre de Las Doas Torres contunha lo percors dels personatges de Frodon, Sam e mai. Los Uruk-hai prenguèron Merry e,Pippin. Boromir, vengut a l'ajuda morrís per las flechas dels atacants abans qu'Aragorn, Legolas e Gimli lo pòscan jònher, ambedos preses per de combats annèxes alara qu'Aragorn cecava a seguir la pista de Frodon. Aprèp aver confiat lo rèste de Boromir al flum Anduin, los tres rescatats s'anèron ajudar Merry e Pippin, alra que los Uruk-hai corriguèron cap a l'Isengard.

Lo camin pres pels Uruk-Hai es aisit de seguir, mas son fòrça aviat e van per d'avans. Aragorn, Legolas e Gimli los seguisson pendent tres jorns e tres nuechs, mas son parats dins la nuech pels cavalièrs d'Eomer qu'afirma aver tuat totes los Orcs e aver trobat pas pus d'Hobbit. Los companhs arrivant sus luòcs de la batalha, e, Aragorn vesent dins las pesadas de la batalha que los hobbits avián escpat, decidiguèron d'anar los ajudar dins la selva de Fangorn. Al luòc dels Hobbits, encontrèron Gandalf, remandat de la Tèrra Mejana per acabar la seuna mission e ara vestit de blanc.

Dins aquel temps, Merry e Pippin, alara que pujavan la còla de la sèlva, encontrèron un Ent, s'agìs del quite Fangorn, que se nomena tanben Selvabarba; aquel los mena al mai prigond de la selva que tenián sessilha los Ents, eveniment que s'èra pas fach dempuèi de temps.

Gandalf, Aragorn, Legolas e Gimli cavalgan cap a Edoras que regnava lo rei Teoden, que l'esperit èra vengut jos l'empresa de Saroman a causa del seu conselhèr Grima, monaca del masc. Pasmens Gandalf capitèt a liberar lo Rei de Saroman; alara podèt prene en compte la situacion qu'èra lo Rohan: los Uruk-hai de Saroman e los òmes de l'oèst, enemics ereditaris del pòble del Rohan, devastavan librament lo paìs, tuant, pilhant e brutlant. La guèrra contre l'Isengard aviá ja començat. Teoden prend alara la decision d'anar combatre dins la fortalesa d'Aglarond, ciutadèla reputada imprenable que ja los aviá salvat pel passat. Las femnas e mainats partan amb la princessa Eowyn cap al refugi de Dunharrow, pendent que los soldats van cap a la fortalesa. Gandalf se n'anèt cap al paìs per amassar las fòrças espandidas pel Rohan e portar ajuda a las tropas.

Pendent aquel temps, aprèp deliberacion del conselh, los Ents decidiguèron de dintrar en guèrra contre l'Isengard perque Saroman aviá atacat la selva per fornir las fabregas. Alara marchèron cap Angrenost amb Merry e Pippin e capitèron a lo negar jos las aigas de l'Isen. Puèi s'anèron a l'avenc d'Helm qu'èran ja arribadas las armadas de Saroman e dels seus alliats.

La batalha comença, las armadas de Saroman rebutadas mai d'un còp, mas un malefici del masc multicolor capitèt a prene la fortalesa e far una traucada dins lo barri. Eomer, Gimli e mai son rebutats cap a las baumas alara qu'Aragorn, Teoden e Legolas aparan la ciutadèla. Alara que tot pareis perdut arriba Gandalf accompanhat dels òmes d'Erkenbrand, ligats a las armadas del fòrt, capitèron a rebutar los soldats de l'Isengard fins a selva formada pels Ents.

Libre IV[modificar | modificar la font]

Lo libre IV segís las aventuras de Sam e Frodon qu'encontrèron Gollum, Faramir e las tropas del Gondor, lo passatge en escalièr de Cirith Ungol, la separacion de Sam e Frodon e la traitesa de Gollum qu'envia Frodon contra Aracne, l'aranha giganta que retira aprèp un combat contra Sam. Lo libre s'acaba quand Frodon, que Sam cresiá mòrt (alara qu'èra pas qu'estavanit pel poison que l'i aviá injectat l'aranha), es trapat pels Orcs que lo menèron a la torre de Cirith Ungol. Sam causís de los seguir amagat.

Publicacion[modificar | modificar la font]

Pareguèt al Reialme Unit a çò d'Allen & Unwin l'11 de novembre de 1954.

Acuèlh de la critica[modificar | modificar la font]

The New York Times publiquèt a la sortida una critica fòrça positiva : « an extraordinary work-pure excitement, unencumbered narrative, moral warmth, barefaced rejoicing in beauty, but excitement most of all »[1].

Adaptacions[modificar | modificar la font]

Jòc de societat[modificar | modificar la font]

Lo Senhor dels anèls - las Doas Torres es un jòc de cartas de Ravensburger (2002).

Videojòc[modificar | modificar la font]

Lo Senhor dels anèls - las Doas Torres es un videojòc d'accion d'Electronic Arts (2002) jogable sus PlayStation 2, XBox, Game Cube, Game Boy Advance e PC.

Films[modificar | modificar la font]

Lo Senhor dels anèls - las Doas Torres es un film neozelandés realizat per Peter Jackson en 2002.

Notas e referéncias[modificar | modificar la font]

  1. Donald Barr, « Shadowy World of Men and Hobbits », The New York Times,‎ 1èg de mai de 1955 (consultat en 10 avril 2011)