Lac de Valéncia
Lo Lac de Valéncia es lo segond lac d'aiga doça naturala en importància de Veneçuèla après lo Lac de Maracaibo. Se tròba dins una fòssa tectònica coneguda coma Graben de Valéncia que se tròba entre la Sèrra de la Còsta e la Serranía de l'Interior. La conca es de tipe endoreïc e cobrís 3.150 quilomètres carrats. En general, la conca del Lac de Valéncia es tanben coneguda popularament coma los Valles de Aragua. A l'ora d'ara lo lac a una estenduda de 344 quilomètres carrats. En sus sa ribas i a d'importants centres urbans de Veneçuèla coma: Valéncia, Maracay, Mariara e San Joaquín.
Las siás ribas èran un centre cultural indigèna fòrça important en Veneçuèla. A la fin del sègle XVIII foguèt visitat per Alexander von Humboldt.
Lo bacin del Lac de Valéncia, de tipe endoreïca, recep d'aponds d'aiga de fòrça corrents fluvials de cors cort, que se davalan entre el los rius Güigüe, Turmero, Maracay, Cabriales, Los Guayos e Aragua, qu'es lo mai important. Geologicament, Lo lac es fòrça jove, gaireben del prepleïstocena o del Pleïstocèn mejan. Pendent son istòria lo nivèl de sas aigas fluctuèran significativament, mai que mai a la segueguida del fenomèn de captura del riu Tuy pel lièch actual d'aquel riu que raja ara cap al Carib, çò que donèt origina al dessecament progressiu de las sas aigas e a la formacion de vasta planas sedimentàrias paludencas fasent de sas ribas d'importants centres agricòls.
Pasmens, un problèma ven ara mai greu a causa de l'aument del nivèl, qu'i transvasan las aigas del bacin de l’Orinòc (restancas de Pao Cachinche e Pao La Balsa, en lo riu Pao) e demoran dins lo bacin endoreïc del Lac de Valencia, sens poder s'escampar. En consequéncia, los nivèls de contaminacion de las aigas aumentèron a causa de l'importanta industrializacion de las vilas de Maracay e Valéncia.
10° 11’ N, 67° 44’ W: N, 67° O / °N,67.733°O / 10.183; -67.733