La Sartan (setmanièr)

Un article de Wikipèdia, l'enciclopèdia liura.
Salta a la navegació Salta a la cerca
Títol dau setmanièr marselhés La Sartan

La Sartan (1891-1905) foguèt un setmanièr umoristic, satiric, dau país de Marselha.

Istòria[modificar | modificar la font]

La Sartan foguèt creada lo 16 de mai de 1891 per Pascal Cròs, un jornalista cronicaire dau Petit Marseillais amb la tòca de "sartanejar", de far critica de la vida locala de la vila de Marselha e de leis environas. Seguiá la dralha dau poèta Victor Gelu e se mostrava sovent ben critic amb lo Felibritge. Lo jornau que comptava quatre paginas e èra d'un format grandàs (40 x 29 cm) sortiá cada dissabte e costava pas que dos sòus en 1902. I participèron divèrs personatges importants de la vida sociala de la ciutat foceana e lo lectorat dau jornau arribèt a èsser pron considerable. A mai leis escrichs i èran de bona qualitat e La Sartan aquesiguèt lèu una bona reputacion. Lo setmanièr visquèt catòrze ans mas malastrosament aqueste referent culturau e lingüistic de l'airau marselhés s'arrestèt lo 16 de mai de 1905.