Léon Mérigot

Léon Mérigot era un contaire de la Marcha lemosina, nascut a Aulon en Cruesa, au mes d'abriu de 1873, de parents paisans. Faguet sos estudis coma borsier a l'Escòla primària de La Sostrana, puei a l'Escòla Normala de Garait. Fuguet institutor dins mai d'una comuna (Borgon Nuòu, Sobrebòsc e Vielhavila). Moriguet a Vielhavila en 1950.

Léon Mérigot escrivia en lemosin dau país de Vielhavila/Aulon, daus contes satirics sur lu monde rurau de l'epòca coma "Liunard e la politica", "La vacha dau Pair Casau". Lu parlar locau es influençat per lu marchés vesin (15km au nòrd). Mai d'una diftonga se prononça coma en marchés o en francés, au = ò (paur = [pɔ']), la terminason lemosina -eu ven -el prononçada "é" (corel = [kurde])...