L'origina de las espècias

Un article de Wikipèdia, l'enciclopèdia liura.
Primièra edicion de L'origina de las espècias

L'origina de las espècias (títol original en anglés : On the Origin of Species) es un libre de Charles Darwin publicat lo 24 de novembre de 1859, considerat coma un dels trabalhs precursors de la literatura scientifica e lo fondament de la teoria de la biologia evolutiva.

Lo títol complèt de la primièra edicion foguèt On the Origin of Species by Means of Naturala Selection, or the Preservation of Favoured Races in the Struggle for Life (L'origina de las espècias mejançant la seleccion naturala, o la preservacion de las raças favorizadas dins la lucha per la vida). En la siá sesena edicion de 1872, lo títol foguèt modificat en The Origin of Species (L'origina de las espècias).

Amb aquesta òbra Charles Darwin (1809-1882) prepausèt lo mecanisme de la seleccion naturala coma explicacion de l'origina de las espècias. En fasent un paralelisme amb la seleccion artificiala realizada per l'èsser uman per las plantas o lo bestial, Darwin creèt lo concèpte de seleccion naturala, es a dire que la natura selecciona las populacions melhoras per la subrevivença dins un mitan determinat e n'escarta las mens bonas.