L'istòria d'una familha nòbla

Un article de Wikipèdia, l'enciclopèdia liura.
Salta a la navegació Salta a la cerca

L'istòria d'una familha nòbla (金粉世家, en pinyin jīnfěnshìjiā) es un roman chinés escrich per Zhang Henshui entre 1927 e 1932. Aquel`roman es considerat coma un dels cap d'òbras del romancièr. L'istòria es estada adaptada mantuns còps a la television o al cinemà, especialament en 2003 (consultar: L'istòria d'una familha nòbla, seria televisada 2003)

Intriga[modificar | modificar la font]

Jin Yanxi, filh de bona familha (lo sieu paire es ministre) s'enamora d'una gojata paura Leng Qinqgiu. Aquela l'arrefusa e lo repellís. Parallèlament, Bai Xiuzhu, filha d'una familha plan rica es passinonalament amorosa de Yanxi. La primièira partida del roman cobrís aquel periòde, fins al moment que Leng Qingqiu, pertocada per l'insistencia de Yanxi, finisca per acceptar de se marridar amb el. La segonda partida del roman mòstra l'instabilitat de Yanxi que se lassa plan lèu de Qingqiu e entretenh una ligason adultèra amb Xiuzhu. Finalament, Xiuzhu e Yanxi daissan China e s'en van en Alemanha. La tèrça partida de l'intriga, pro braca, nos mòstra la fin de la residencia Jin qu'es victima d'un incendi. Yanxi pensa que sa femna e lo filh qu'aguèt amb Qingqiu son mòrts dins aquesta tragedia. Aquò lo fa soscar e regreta finalament son comportament infidèl.

Critica[modificar | modificar la font]

Lo libre es pas solament una istòria sentimentala. Zhang Henshui vòl tanben mostrar e representar la societat chinesa de las annadas 1930. Per aquesta rason, lo libre es estat sovent comparat a Lo Sòmi de la cambra roja. La critica dels abuses e dels problèmas socials es constanta.