L'Arrabassada (podcast)
L'Arrabassada ei un podcast en lengua catalana presentat per tres barcelonesi (Nou Barris): Marc Lesan, Oriol Lapeira e Iñaki Soleta.[1] S'emet es deluns cada dues setmanes sus YouTube, Spotify, Ivoox, Apple Podcasts e Instagram.
Vision generau[modificar | Modificar lo còdi]
Eth prumèr podcast s'emetec eth 16 de gèr de 2023. Era ideologia deth programa s'apròpe ara esquèrra catalana independentista. Eth nòm hè referéncia ara carretèra dera Rabassada (ca), tram dera carretèra de Sant Cugat del Vallès, on, pendent era Guèrra Civiu Espanhòla, sigueren executades persones de dretes, dera borgesia, capelhans e restacadi ath còp d'estat contra era republica per part des milicians.
Eth podcast, condusit pes presentadors damb ua quantitat d'umor e diuèrses seccions recurrentes, se distinguís mès que mès pera defensa des drets sociaus des classes populares catalanes, desapareishudi pendent es darrèri decènnis (coma er accès ar abitatge) e que afècten particularaments eth jovent, coma era preocupacion pera creishenta reduccion e era pèrta d'usatge sociau dera lengua catalana observada enes darrèri ans. Ei abituau qu'en cada programa siguen convidadi diuèrsi personatges restacadi deth mon mediatic e politic des Païses Catalans damb era tematica tractada en aqueth dia.
En hereuèr de 2024, L'Arrabassada arribèc en ueitau lòc des podcast d'umor mès escotadi en estat espanhòu sus Apple Podcasts, eth dusau ena lengua catalana.[2][3]