Kerma
Kerma es la capitala supausada dau Reiaume de Kush dins lo corrent dau Segond Periòde Intermediari Egipcian (vèrs 2450-1480 av. JC). Èra un centre fòrça fortificat qu'ocupava una posicion estrategica dins la Vau Mejana de Nil per susvelhar e contraròtlar lo comèrci african en direccion d'Egipte. Foguèt conquistat au sègle XV av. JC per leis Egipcians.
En arqueologia, lo tèrme Kerma caracteriza tres fasas de desvolopament de la cultura kushita. Son dichas Kerma Ancian (sègles XXV-XXI av. JC), Kerma Mejan (sègles XXI-XVIII av. JC) e Kerma Classic (sègles XVIII-XVI av. JC avans la conquista egipciana). Correspondon a de tecnicas diferentas de produccion de terralha.