Karl Hammes

Karl Hammes (nascut lo 25 de març 1896 a Zell, dins la val de Mosèla, ara en Renània-Palatinat, e mòrt lo 6 de setembre 1939 a Varsòvia) èra un cantaire d'operà alemand (bariton) e pilòt de caça pendent las Primièra e Segonda Guèrra mondialas.

Cantèt a Bayreuth, Berlin, Colonha, Salzborg e Viena (Àustria).

Vida

Aprèp l'Abitur en 1916, Karl Hammes comencèt la formacion de pilòt de caça dins l'esquadron de caça Richthofen. Acabèt la Primièra Guèrra mondiala ambe'l grade de major. Puèi comencèt a estudiar al Conservatòri de Musica de Colonha; Se'n seguiguèron las primièras aparicions sus scèna. En 1926-1927, foguèt convidat al Krolloper de Berlin. Hammes agèt un primièr grand succès en 1927 quand pareguèt dins l'operà Parsifal al Festenal de Bayreuth. Dins las annadas 1929 a 1935, faguèt partida de l'Operà d'Estat de Viena e del Festenal de Salzborg; en 1935 mudèt a l'Operà d'Estat de Berlin et recebèt lo títol de Kammersänger.

Quand s'avièt la Segonda Guèrra mondiala en 1939 tornèron convocar Hammes coma pilòt de caça. Qualques jorns aprèp lo començament de la guèrra, moriguèt a Varsòvia pendent una batalha aeriana.

Pauc de testimoniatges de sos talents de cantaire se son conservats fins ara. Entre els, i a l'operà de Richard Strauss Ariadne auf Naxos, dirigit per Clemens Krauss dins un enregistrament del 11 de junh 1935 de l'estacion de ràdio del Reich a Berlin (dins lo ròtle de Harlekin) e l'operà de Wolfgang Amadeus Mozart Don Giovanni, dirigit pel jove Joseph Keilberth e enregistrat per la ràdio del Reich lo 27 de març 1936 (dins lo ròtle de Don Giovanni). Hammes joguèt tanben dins dos filmes.

Nòtas e referéncias

Aqueste article es son mai que mai una traduccion de l'article alemand.