Jurament del Jòc de Pauma
Musèu del castèl de Versalhas
Lo Jurament del Jòc de Pauma foguèt un engatjament d’union prés lo 20 de junh de 1789 a la sala del Jòc de Pauma, a Versalhas, per 578 deputats del Tèrç Estat pendent los Estats generals de 1789. Fàcia a las pressions del rei de França Loís XVI, faguèron la promessa de se separar pas abans l’elaboracion d’una Constitucion. E mai qu'aqueste jurament aguèsse pas de valor juridica, son impacte simbolic foguèt fòrça important, amor que foguèt lo preludi de l'obtencion de la sobeiranetat nacionala e de la separacion dels poders. Provoquèt l'amassada dels tres òrdres (Noblesa, Clergat, Terç estat) en una "Assemblada nacionala constituenta", que ne seràn eissits l'abolicion de la feudalitat (4 d'agost de 1789), la Declaracion dels Dreches de l'Òme e del Ciutadan (26 d'agost de 1789), e los grands principis de la Constitucion (fin de 1791).