Joshua Wong
Aquesta pagina conten de caractèrs chinés. En cas de problèma, consultatz Ajuda:Unicode o testatz vòstre navegador.
Joshua Wong Chi-fung (黃之鋒), nascut lo 13 d'octobre de 1996 a Hong Kong, es un militant hongkongués, fondator del grop Scholarism[1].
Biografia
[modificar | Modificar lo còdi]Après èsser estat escolan dins un licèu anglican[2], estúdi a l'Open University of Hong Kong[3]. Atira l'atencion en 2012, quand critica los cors d'educacion morala e nacionala, considerats coma de «lavatge de cervèl»[4].
Lo 27 de setembre de 2014, fa partida de las 78 personas arrestadas per la polícia de Hong Kong après aver investit los locals del govèrn en reaccion a la reforma electorala de 2014[5][6]. Es relargat après dos jorns.
Lo movement pren una amplor sens precedent, en amassant, per carrièras, mai de 100 000 personas[7]. La mobilizacion pren lo nom de «Revolucion dels Parapluèjas» o «Occupy Central»[8].
Milita principalament pel sufragi universal[9] malgrat qu'aviá pas lo drech de vòte al moment dels faches[10]. Sos modèls son pas d'étrangièrs coma Martin Luther King o Nelson Mandela, mas chinés coma lo controversat Liu Xiaobo, prèmi Nobel de la Patz condemnat a la preson en China, o l'artista Ai Weiwei[11].
En agost de 2017, es condemnat per son ròtle dins lo movement dels parapluèjas a 6 mes de preson ferma, alara qu'en parallèla, Alex Chow e Nathan Law son condemnats respectivament a 7 e 8 mes de preson ferma[12]. Passan dos mes en preson abans d'èsser liberats amb caucion. Lo 6 de febrièr de 2018, la Cort Suprèma de Hong Kong anullèt la pena de preson dels tres militants del movement democratic[13]. Es jutjat en apèl e desbauçat de sa demanda lo 16 de mai de 2019. Lo jutge Jeremy Poon ordena son plaçament en detencion. Joshua Wong es condemnat a dos mes d'empresonament al centre de detencion de Lai Chi Kok[14].
Lo 17 de junh de 2019, Joshua Wong es liberat de preson a la seguida de las manifestacions de junh de 2019 concernissent lo projècte de lei sus la seguretat nacionala avent per objectiu d'autorizar las extradicions cap a la China. A pena remés en libertat, demanda la demission de la cap de l'executiu Carrie Lam e denóncia las violéncias policièras pendent la manifestacion del 12 de junh. Al matin del divendres 30 d'agost de 2019, es tornamai interpelat[15].
Lo 29 d'octobre de 2019, declara èsser «privat de sos dreches politics» seguida a sa candidatura invalidada per la commission electorala per las eleccions previstas lo 24 de novembre[16] segon lo motiu que son engatjament al drech a l'autodeterminacion de Hong Kong es contrària a la lei fondamentala[17].
Nòtas e referéncias
[modificar | Modificar lo còdi]- ↑ (en) Steven Hsieh, Hong Kong Students Fight for the Integrity of their Education, The Nation, 8 d'octobre de 2012.
- ↑ (fr) Brice Pedroletti, Les leaders de la mobilisation citoyenne à Hongkong, Le Monde, 29 de setembre de 2014 .
- ↑ (en) Eddie Lee, 'I was never a top student': Scholarism leader Joshua Wong to study at Open University, South China Morning Post, 13 d'agost de 2014.
- ↑ (en) Ada Lee, Scholarism's Joshua Wong embodies anti-national education body's energy, South China Morning Post, 10 de setembre de 2012.
- ↑ (en) Wilfred Chan e Yuli Yang, Echoing Tiananmen, 17-year-old Hong Kong student prepares for democracy battle, CNN, 21 de setembre de 2014.
- ↑ (fr) Florence Renard-Gourdon, Hong Kong : Joshua Wong, l’ado qui défie la Chine, Les Échos, 30 de setembre de 2014.
- ↑ (fr) Philippe Grangereau, Joshua Wong, le surdoué de la révolution, Libération, 1èr d'octobre de 2014.
- ↑ (fr) Paul de Coustin, Joshua Wong, cet adolescent hongkongais qui fait trembler Pékin, Le Figaro Étudiant, 2 d'octobre de 2014.
- ↑ (fr) Léa Bucci, L'homme qui fait trembler le pouvoir chinois à Hong Kong est un ado de 17 ans et s'appelle Joshua Wong, Slate, 22 de setembre de 2014.
- ↑ (fr) Pierre Haski, Hong Kong : Joshua Wong, héros malgré lui de la « révolution des parapluies », L'Obs, 21 de novembre de 2016.
- ↑ (fr) Frédéric Martel, Une semaine dans la vie des étudiants hongkongais qui font la «révolution des parapluies», Slate, 1er de decembre de 2014.
- ↑ (fr) Peines de prison pour des leaders de la « révolte des parapluies » à Hongkong, Le Monde, 17 d'agost de 2017.
- ↑ (fr) Florence de Changy, Peine de prison annulée pour Joshua Wong, le militant démocrate hongkongais, Le Monde, 6 de febrièr de 2018.
- ↑ (fr) Hong Kong: libération annoncée de Joshua Wong, l'exécutif lâche du lest, RFI, 16 de junh de 2019.
- ↑ (fr) Florence de Changy, Hongkong : arrestations dans le camp prodémocratie avant un week-end tendu, Le Monde, 30 d'agost de 2019.
- ↑ (fr) Florence de Changy, Joshua Wong, figure de l’opposition à Hongkong, interdit de se présenter aux prochaines élections, Le Monde, 29 d'octobre 2019.
- ↑ (fr) Élections à Hongkong: la candidature de Joshua Wong invalidée, Le Figaro, 29 d'octobre de 2019.
Vejatz tanben
[modificar | Modificar lo còdi]| Sus d'autres projècte de Wikimedia: | |
 |
Commons (Galariá) |
|
Commons (Categoria)  Modèl:Commonscat/categories
|
Bibliografia
[modificar | Modificar lo còdi]- 2014 : Soi pas un eròi[1]
- Joshua Wong amb Jason Y. Ng, La parole enchaînée, Paris, 2020, Stock, 250 p.
Articles ligats
[modificar | Modificar lo còdi]Ligams extèrnes
[modificar | Modificar lo còdi]- ↑ (fr) Sébastien Falletti, Joshua Wong, l'icône de la «génération parapluie», Le Figaro, 2 d'octobre de 2014.