Josep Antoni Duran i Lleida

Un article de Wikipèdia, l'enciclopèdia liura.
Salta a la navegació Salta a la cerca
Josep Antoni Duran i Lleida en 2011

Josep Antoni Duran i Lleida (El Campell, la Llitera, 27 de març de 1952) es un politician catalan. Es lo cap del partit Union Democratica de Catalonha, partit conservador qu'es part de la coalicion Convergéncia e Union que govèrna actualament en Catalonha.
Son influéncia es considerabla dins totes dos partits e sovent portèt a de crisis intèrnas per sas posicions e declaracions sovent opausadas, mai o mens discretament, a l'independéncia del Principat. Aital prepausèt una tresena via que s'opausava a l'opinion del govèrn e d'una majoritat del pòble catalan, opcion que foguèt pr'aquò finalament integrada dins lo referendum d'autodeterminacion de Catalonha.

Biografia[modificar | modificar la font]

Josep Antoni Duran i Lleida nasquèt en 1952 al Campell, un vilatjon de la Franja de Ponent. Estudièt dins son airal e anèt puèi a l'institut de Tamarit de la Llitera abans de partir far lo bachelieirat a Balaguer. Partiguèt aprèp a Lhèida ont estudièt lo drech. Fins a aquela data, l'adscripcion politica de Duran èra pro pròcha de la doctrina del regim dictatorial d'aquel temps que sembla que fasiá cantar l'imne oficial del franquisme, lo Cara al sol, a sos camaradas de collègi. Malgrat lo fach qu'obtenguèt son diplòma trabalhèt pas gaire coma avocat que s'inscriguèt gaireben sulpic en politica e ne sortiguèt pas jamai, çò que fa d'el un dels veterans de la politica dins l'estat espanhòl.[1] Dintrèt doncas dins lo partit conservador Union Democratica de Catalonha en 1974 e ne montèt rapidament totes los nivèls per ne venir finalament lo menaire tre 1987.

Referéncias[modificar | modificar la font]

<references>

  1. Article d'Eugeni Casanova Duran i l'últim acte del sainet a Vilaweb, lo 26 d'octobre de 2013