Josèp Massabuòu

Un article de Wikipèdia, l'enciclopèdia liura.
Salta a la navegació Salta a la cerca
Josèp Massabuòu en 1914

Josèp Massabuòu (en francés: Joseph Massabuau; Sent Ginièis d'Òlt, 27 de julh de 1862 - Sent Ginièis d'Òlt, 14 d'octobre de 1939) èra un politician occitan de Roergue que foguèt deputat de 1898 a 1914 e mai senador d'Avairon de 1921 a 1930.

Biografia[modificar | modificar la font]

Josèp Massabuòu nasquèt en 1862 dins una vièlha familha del país que trabalhèt de contunh dins lo comèrci e l'industria. Son paire Felip Massabuòu, que venguèt puèi cònsol de la vilòta, èra un republican acarnassit e lo jove Josèp foguèt abalit dins aquesta tradicion politica.

Josèp faguèt d'estudis de drech e quand acabèt s'inscriguèt coma avocat a Espalion, a mai se contunhava de trabalhar la vinha. Dintrèt puèi al Conselh general. Foguèt tanben president de la cambra consultativa de las arts e manufacturas de Sent Ginièis.