Jordi Puntí

Un article de Wikipèdia, l'enciclopèdia liura.
Anar a : navigacion, Recercar

Jordi Puntí i Garriga (Manlleu, 2 de julh de 1967) es un filològ e escrivan catalan. Son òbra Maletes perdudes, publicada en 2010 e revirada en 15 lengas, lo propulsèt demest los autors catalans mai legits internacionalament. Lo realizador catalan Ventura Pons s'inspirèt de tres racontes de son libre Animals tristos per son film de 2006 Animals ferits.

Biografia[modificar | modificar la font]

Jordi Puntí nasquèt a Manlleu, una vilòta de la comarca d'Osona, en 1967. Estudièt filologia romanica a l'Universitat de Barcelona. Trabalhèt qualque temps per d'ostals d'edicion de la capitala catalana abans de s'avodar a l'escritura. Foguèt en 1988 que publiquèt sa primièra òbra, un recuèlh de contes Pell d'armadillo que li valguèt lo Prèmi de la critica Serra d'Or. Aquel recuèlh foguèt revirat en francés per l'occitanista Crestian Rapin e publicat en 2007 jol títol Peau de tatou.
Lo libre que li a conferit una notorietat internacionala, Maletes perdudes, es estat revirat en 15 lengas e en setembre de 2013 se publiquèt en albanés. Puntí es part del collectiu Germans Miranda e realizèt divèrsas traduccions de libres d'autors famoses coma lo francés Daniel Pennac, l'american Paul Auster e la bèlga Amélie Nothomb.

Òbras[modificar | modificar la font]

  • Aaaaaahhh (1998)
  • Pell d'armadillo (1998)
  • El Barça o la vida (1999)
  • Tocats d'amor (2000)
  • Contes per a nenes dolentes (2001)
  • Animals tristos (2002)
  • La vida sexual dels germans Miranda (2002)
  • Adéu Pujol (2003)
  • Maletes perdudes (2010)
  • Els castellans (2011)