Joan XV

Un article de Wikipèdia, l'enciclopèdia liura.
Salta a la navegació Salta a la cerca
Retrach de Joan XV dins la Basilica de Sant Pau Fòra lei Muralhas.

Joan XV (mòrt lo 1èr d'abriu de 996, Roma) foguèt lo 137en papa de la Glèisa Catolica d'aost de 985 au 1èr d'abriu de 996. Succediguèt a Joan XIV (984-985) e foguèt remplaçat per Gregòri V (996-999).

Son eleccion aguèt luòc dins un contèxte trebolat entre lo 6 d'aost e lo 6 de setembre de 985. D'efiech, la premiera mitat deis ans 980 èra estada marcada per lei combats de l'antipapa Bonifaci VII per ocupar lo tròne pontificau. De mai, Roma èra d'aqueu temps sota lo contraròtle de Crescentius lo Jove, un patrician poderós qu'influencièt tot lo pontificat de Joan XV e de sei successors.

Regardant leis afaires de la Glèisa, Joan XV assaièt de defendre lo primat dau papa. En particular, intrèt en conflicte amb lo rèi de França, Uc Capet (987-996, a prepaus de la nominacion de l'arquevesque de Reims. En 988, lo rèi i aviá nomat Arnulf, un nebòt de son enemic Carles de Lorena. Aqueu darrier capturèt Arnulf e, en 991, lo rèi reüniguèt un sinòde per depausar Arnulf e lo remplaçar per Gerbèrt d'Orlhac. Joan XV refusèt d'acceptar aqueu metòde e ordonèt la reünion d'un sinòde deis evesques francés e germanics. Se debanèt en 995, unicament amb leis evesques alemands, e demandèt la restauracion d'Arnulf que venguèt efectiva après la mòrt d'Uc Capet.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]