Jean-Patrick Capdevielle
.jpg)
Jean-Patrick Capdevielle (nascut lo 19 de decembre de 1945 a Levallois-Perret), es un cantaire e compositor francés de París. Au començament, fasiá sustot de rock francés (los tres primièrs albums), puèi s'es virat cap a la cançon francesa e, de còps, la new wave (40° à l'ombre, Halloween, Double aller simple pour Pékin...) a la mitat de las annadas 80.
Biografia
[modificar | Modificar lo còdi]Abans de cantar, Jean-Patrick Capdevielle es estat jornalista, e aquò li balhèt l'escadença de se sarrar per exemple del rocker anglés Eric Clapton.
En 1978, enregistra sas primièras maquetas e las manda a una maison de disques. Lo 45 torns Solitude l'obrís la pòrta de CBS. Aital, i enregistra son primièr album rock Les Enfants des ténèbres et les Anges de la rue, e sortís per lo promòure un 45 torns, Tout au bout de la ville / Quand t'es dans le desert. Es una capitada : lo dit 45 torns es plan recebut, passa fòrça a la ràdio, en particular Quand t'es dans le desert qu'es la preferida, la mai difusida, quitament se Tout au bout de la ville es la presentada coma primièra sul dit 45 torns. Aital, Quand t'es dans le désert ven en França un gròs tube de l'annada 1980, e demòra encara uèi sa cançon mai coneguda[1].
Còp-sèc, Jean-Patrick Capdevielle enregistra en 1980 un segond disc, simplament titolat /2, album totjorn tan rock coma lo primièr e que conten dos autres tubes, C'est dur d'être un héros e Oh, Chiquita[2].
Lo fenomèn Capdevielle pr'aquò s'aflaquís. Lo tresen disc, Le Long de la jetée, sortit en 1981, es de mal vendre, malgrat un pauc de resson per la cançoneta Señorita. E es çò meteis ambe lo quatren disc de 1982, L'Ennemi public se vend chic, a un pauc de resson sonque per i aver dedins un tròç rock que capita un pauc a l'epòca, Qu'est-ce qui va rester. Alavetz, en 1983, Jean-Patrick Capdevielle comença de s'aluenhar del rock per se virar artisticament cap a d'autras influéncias, coma la cançon francesa e la new wave (Halloween), çaquelà, l'arcuèlh es encara piri pel cinquen album Mauvaises fréquentacions.
En 1985 sortís son sieisen album Planète X, que conten 40° à l'ombre, cançon qu'a un pauc de resson, mès sens comparason ambe las del començament de sa carrièra. Dincas a l'annada de 2018, a seguit ambe mai o mens de succès una carrièra de cantaire francés, ambe orientacions artisticas divèrsas segon los disques.
Discografia
[modificar | Modificar lo còdi]- Les Enfants des ténèbres et les Anges de la rue (1979)
- /2 (1980)
- Le Long de la jetée (1981)
- L'Ennemi public (1982)
- Mauvaises Fréquentations (1983)
- Planète X (1985)
- Nouvel Âge (1988)
- Vue sur cour (1990)
- Vertigo (1992)
- Hérétique 13 (2007)
- Bienvenue au Paradis (2016)
Cançons las mai conegudas
[modificar | Modificar lo còdi]- Tout au bout de la ville (1979)
- Quand t'es dans le désert (1979)
- Salomé (1980)
- C'est dur d'être un héros (1980)
- Oh, Chiquita (1980)
- Señorita (1981)
- Qu'est-ce qui va rester (Quand le rock'n'roll aura cessé d'exister) (1982)
- Halloween (1983)
- 40° à l'ombre (1985)
- Double aller simple pour Pékin (1988)[3]
- Black bone (1993)[4]
- Politiquement correct (1995)
Ligams extèrnes
[modificar | Modificar lo còdi]Referéncias
[modificar | Modificar lo còdi]- ↑ https://hit-parade.net/titre/2802/jean-patrick-capdevielle-quand-t-es-dans-le-desert
- ↑ https://web.archive.org/web/20220811021634/https://www.melody.tv/jean-patrick-capdevielle-propose-un-nouveau-live/
- ↑ https://www.discogs.com/fr/release/2524485-Jean-Patrick-Capdevielle-Double-Aller-Simple-Pour-P%C3%A9kin
- ↑ https://www.discogs.com/fr/release/7194198-Jean-Patrick-Capdevielle-Black-Bone