Jammu e Cashmir (Estat)

Jammu e Cashmir èra un estat del nòrd d'Índia. Situat principalament dins las montanhas d'Imalaia, lo Jammu e Cashmir confrontava l'Himachal Pradesh e Panjab al sud, China (Region autonòma de Tibet e la de Xinjiang) al nòrd-èst èra separat dels territòris contrarotlats per Paquistan per la linha de contraròtle.

L'Estat, qu'aperteniá autrecòps a l'Estat princièr de Jammu e Cashmir, fa l'objècte d'un litigi territorial entre Índia, Paquistan e China e coneguèt plusors guèrras. La part de Jammu e Cashmir contrarotlada per Índia es dicha Indian-occupied Kashmir al Paquistan alara que los territòris que forman al Paquistan l'Azad Cashmir e lo Gilgit-Baltistan, atal coma l'Aksai Chin e la val de Shaksgam administrats per China, son revendicats per Índia coma part de l'Estat de Jammu e Cashmir.

Jammu e Kashmir compreniá tres regions : Jammu, a majoritat indoïsta, la val de Cashmir, a majoritat musulmana e ont se concentra la majoritat de la populacion, e Ladakh, a majoritat bodista, pauc densament poblat.

L’Estat de Jammu e Cashmir aguèt fins al 5 d'agost de 2019 un estatut especial d’autonomia garantit per l’article 370 de la Constitucion d'Índia. Faguèt l'objècte d'una reforma visant a ne partir Ladakh, amb efièit lo 31 d'octobre de 2019. La part non separada de l'Estat es venguda un territòri de l'Union indiana e a servat lo meteis nom : Jammu e Cashmir.