Jammu e Cashmir es un territòri de l'Union del nòrd d'Índia que constituís la part sud de la region pus larga de Cashmir que fa l'objècte d'un litigi territorial entre Paquistan e Índia dempuèi 1947, e entre Índia e China dempuèi 1962. Situat principalament dins las montanhas d'Imalaia, lo Jammu e Cashmir confronta l'Himachal Pradesh e Panjab al sud, e Ladakh a l'èst e es separat per la linha de contraròtle a l'oèst e al nòrd dels territòris contrarotlats per Paquistan, respectivament l'Azad Cashmir e lo Gilgit-Baltistan .
Las disposicions relativas a la formacion del territòri de l'Union de Jammu e Cashmir èran contengudas dins la lei de 2019 sus la reorganizacion de Jammu e Cashmir, que foguèt adoptada per las doas cambras del Parlament indian en agost de 2019. L'acte reconstituguèt l'ancian Estat de Jammu e Cashemir en dos territòris de l'Union, lo Jammu e Cashmir e Ladakh, amb efièit al 31 d'octobre de 2019