James Michel
| James Michel | |
|---|---|
  | |
| Biografia | |
| Signatura | |
 |
James Alix Michel (n. 1944) professor e òme politic, es lo president actual de las Seichèlas.
Michel comença la siá vida professionala coma professor mas dempuèi la dubertura de l'illa al torisme après lo bastiment d'un aeropòrt internacional a Mahé en 1971, Michel a cambiat a aquela activitat mai lucrativa. Politicament, intègra lo Partit Popular Unit de las Seichèlas de France-Albert René pauc abans l'independéncia del 29 de junh de 1976.
Michel se manten en l'ombra de René durant tota la siá carrièra politica. Après lo còp d'estat pacific que depausèt France-Albert René del poder lo 5 de junh de 1977, Michel ocupa los luòcs ministerials mai importants, coma l'economia. Michel ensaja tanben de promòure e desvolopar una democracia pus dubèrta. En 1993, las primièras eleccions liuras debanan après la paissièra del poder del president René. Los resultats d'aquela democratizacion son pas plens: la premsa contunha d'èsser contarotlada e las eleccions probablament quicòm manipuladas. Aital, las presidencialas del 2001 e las legislativas de 2002 aurián pogut benlèu s'inclinar en favor del cap de l'oposicion Wavel Ramkalawan e lo sieu Partit Nacional des Seychelles (Partit Nacional de Seichèlas).
En 1996, Michel es nomenat vicepresident de France-Albert René e li succedís lo 14 d'abril de 2004. Lo nòu president li cal encarar la crisi budgetària que menaça l'archipèla: lo torisme contunha d'èsser lo motor principal de l'economia mas l'Estat, per desvolopar las siás infrastructuras, s'assumiguèt un prigond deficit budgetari.
| Precedit per France-Albert René |
 President de las Seichèlas Dempuèi lo 16 d'abril de 2004 |
Seguit per en foncions |