Ives Lavalada

Un article de Wikipèdia, l'enciclopèdia liura.
Salta a la navegació Salta a la cerca

Ives Lavalada (en francés: Yves Lavalade; Gòra, 21 de genièr de 1939) es un escrivan, lingüista e toponimista occitan de Lemosin. Estudièt al licèu Gay-Lussac de Lemòtges e puèi faguèt d'estudis de lenga a l'Universitat de Peitieu. Trabalhèt coma professor d'espanhòl al meteis licèu ont èra estat escolan fins a sa retirada en 1999. Faguèt, de 1974 a 1997, una Cronica occitana dins lo jornal L'Écho que i parlava de toponimia e mai dels mots de l'occitan. Publiquèt dos diccionaris bilingues occitan/francés de 1997 a 1999 adaptats a l'airal lemosin e tre 2002 faguèt paréisser mantun libre suls noms de las plantas de son país. Durant mai de 25 ans foguèt un dels menaires de La Clau lemosina.

En mai de las lengas romanicas s'interèssa tanben al maltés e publiquèt en 2001 una òbra de divulgacion sus aquela lenga: La langue maltaise et la romanité. Lexique maltais/occitan.

Es membre del conselh lingüistic del Congrès Permanent de la Lenga Occitana.

Òbras[modificar | modificar la font]

Lenga(s)[modificar | modificar la font]

  • La suffixation en occitan (Haut-Limousin) (1981)
  • L'accentuation occitane (Haut-Limousin (1986)
  • La conjugaison occitane (Haut-Limousin) (1987)
  • Le limousin, dialecte occitan (1991)
  • Bestiaire occitan (1997)
  • Dictionnaire français/occitan : Limousin-Marche-Périgord (1997)
  • Dictionnaire occitan/français : Limousin-Marche-Périgord (1999)
  • La langue maltaise et la romanité. Lexique maltais/occitan (2001)
  • Dictionnaire d'usage occitan/français (2010)
  • La conjugaison occitane (Haut Limousin) (2012)

Botanica[modificar | modificar la font]

  • Botanique occitane et noms de lieux : Limousin-Marche-Périgord (2002)
  • Guide occitan de la flore : Limousin-Marche-Périgord (2002)