Ivan III lo Grand
Ivan III lo Grand (22 de genier de 1440, Moscòu - 27 d'octòbre de 1505, Moscòu) es un grand-prince de Vladimir e de Moscòu que reinèt dau 28 de març de 1462 au 27 d'octòbre de 1505. Succediguèt a son paire Vassili lo Bòrni (1425-1462) e foguèt remplaçat per son fiu Vassili III lo Grand (1505-1533). Son rèine marca un periòde major dins l'estructuracion de la Russia modèrna en permetent la restauracion de l'independéncia dau Grand Principat de Moscòu.
Gràcias a una politica mesclant guèrras e alianças matrimonialas, prenguèt pauc a cha pauc lo contraròtle dei vilas d'Iaroslavl (1463), de Novgorod (1471), de Rostòv (1474) e de Tver (1485). En 1480, se declarèt independent de l'Òrda d'Aur. Aquò afebliguèt fòrça l'estat mongòl que foguèt definitivament destruch en 1502 per lo khan de Crimèa. A l'oèst, menèt tanben plusors campanhas victoriosas còntra lei Lituanians. Aquelei succès li permetèron d'unificar una importanta partida de Russia sota sa direccion e de prendre lo títol d'autocrata. En parallèl, gràcias a un maridatge amb la neboda dau darrier emperaire bizantin, renforcèt la doctrina de « Moscòu, tresena Roma ». En parallèl, creèt la classa deis « òmes de servici », a l'origina de la noblesa russa, e reglèt divèrsei conflictes au sen de la Glèisa.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Michel Heller, Histoire de la Russie et de son Empire, Perrin, 2015.