Intel 4004

Un article de Wikipèdia, l'enciclopèdia liura.
Salta a la navegació Salta a la cerca
Intel 4004
Descripcion d'aqueste imatge, tanben comentat çaiaprèp

La version ceramica C4004 ambe de traças grisas.

Caracteristicas
Produccion De 1971 a 1981
Fabricant Intel
Frequéncia 740 kHz
Finesa de gravadura 10 µm
Arquitectura 4 bits
Bostièr DIP de 16 bròcas

Lo 4004 d'Intel es lo primièr microprocessor comercialisat, es a dire la primièra integracion reüssida de totes los fonccions d'un processor sus un sol e unic circuit integrat.

Es d’abòrd produch en exclusivitat per l'industrial qu'a comanditat son desvolopament, Busicom, en març de 1971. Après aver fach levar la clausa d'exclusivitat, Intel anóncia sa comercialisacion lo 15 de novembre de 1971[1][2].

Sa realizacion es renduda possibla per la tota novèla tecnologia dels self-aligned gates, que permet a son conceptor, Federico Faggin, d'integrar sus un meteis circuit integrat 2 300 transistors.

Ambe una poténcia d'execucion de 92 600 operacions per segonda a una frequéncia de 740 kHz[3], es comparable a l'ENIAC, lo primièr ordinator modèrne desvelat en 1946, qu'ocupava 167 m2 per un pes total de 30 tonas.

En fach, lo 4004 resta netament mens performant que los processors dels mini-ordinators de la meteissa epoca. Par contra, permet d'imaginar de construire d'ordinators fòrça mens costós qu'aquestes : de micro-ordinators. Lo 4004 e las nièras de supòrt qu'utiliza son atal comercialisats per Intel coma « Micro Computer Set » (« Ensemble per Micro-ordinator ») MCS-4.

Lo 4004 e lo chipset MCS‑4 an çaquelà de nombrosas limitacions que fan que seràn pas utilizats per construire de micro-ordinators mas puslèu de contrarotlaires embarcats.

Lo 4004 es per contra seguit l'annada seguenta pel primièr microprocessor 8 bits, lo 8008 (e per lo 4040, un 4004 revisat), puèi en 1974 pel microprocessor que commença efectivament la revolucion dels micro-ordinators, lo 8080 intèrne.

Caracteresticas tecnicas[modificar | modificar la font]

Arquitectura del microprocessor Intel 4004
Brocatge del microprocessor Intel 4004
Dos processors C4004, dont un obèrt.

Los 4004 son sortits dins un bostièr DIP a 16 bròcas en ceramica lo 15 de novembre de 1971. Es lo primièr còp que totes los fonccions d'un processor son reünits sus un sol e unic circuit integrat, çò qu'en fach lo primièr microprocessor de l'istòria e de l'industria. La tarifa industriala a sa sortida es de 200 dollars.

Las dimensions del circuit integrat son de 3,81 mm de long sus 2,79 mm de larga, siá 10,62 mm2 a pena. Ofrís atal de qualitats tecnicas equivalentas als 66 m3 d'un ENIAC concentradas sus solament 10 mm2.

Galariá[modificar | modificar la font]

Nòtas e referéncias[modificar | modificar la font]

  1. (fr) « Le premier micro-processeur commercialisé », ACONIT (consultat lo 22 julhet 2018)
  2. (fr) « Le premier microprocesseur: le 4004 d'Intel », Histoire de l'informatique (consultat lo 22 julhet 2018)
  3. (en)[PDF]« Intel MCS-4 datasheet », chipdb (consultat lo 22 julhet 2018)

Vejatz tanben[modificar | modificar la font]

Paginas correspondentas d’autres projèctes Wikimèdia :

commons:Category:Intel 4004
Intel 4004 sus Commons.

Articles ligats[modificar | modificar la font]