Impeachment

L'impeachment (aparentat: empachament) es una procedura del drech anglosaxon per la quala un organ tenent lo poder legislatiu pòt metre en acusacion un oficial del govèrn. Significa pas automaticament la descasença, mas pòt constituir la primièra estapa d’un procediment menant a la demission de las foncions de la persona mesa en acusacion.

Dins los païses on aquesta procedura existís, demanda mai sovent una larga majoritat de vòtes. Es mai sovent limitada als crimes màger (nauta traïson, etc.).

Quitament s’es originària juridicament del drech anglés, la procedura d'impeachment es un esplech del drech constitucional de fòrça païses coma: Brasil, Irlanda, Índia, Filipinas, Russia, Corèa del Sud, EUA.

Brasil

Las presidentas brasiliana Dilma Rousseff e sudcoreana Park Geun-hye ambedoas destituidas après una procedura d’empeachment.

Foguèt aplicada en darrièr al Brasil dins l’encastre de la procedura de destitucion de Dilma Rousseff.

Corèa del Sud

Foguèt aplicada en darrièr en Corèa del Sud dins l’encastre de la procedura de destitucion de Park Geun-hye (en).

EUA

Article detalhat: Impeachment (EUA).

Aquesta procedura es originària delReialme Unit mas es subretot coneguda per son aplicacion als Estats Units d’America, ont foguèt aplicada al president Richard Nixon que demissionèt abans que la procedura s’acabe. Los presidents Andrew Johnson e Bill Clinton tanben faguèron l’objècte d’una procedura d’empeachment, que podèt pas anar al tèrme. La prodesura foguèt assajada conta George W. Bush en 2008, sens capitar e es en question contra Donald Trump dempuèi 2017.

Reialme Unit

Article detalhat: Impeachment (Reialme Unit).

Objectiu

Aquesta procedura de destitucion a per objectiu de permetre d’engatjar de perseguidas en justícia penala contra los nauts foncionaris destituits. Literalament, aqueste mot anglés significa « mesa en acusacion » e se destria la mesa en acusacion del quita procés, l'impeachment trial. Dins l’usatge corrent dins aquestes païses, lo tèrme designa la procedura dins son ensems o la destitucion finala.