Impaled Nazarene

Impaled Nazarene qu'ei un grop de metal finlandés.

Musica

La loa musica qu'a evoluat au briu de las annadas. D'un black metal hòrt basic e brutau, que son passats a ua mesclanha de black metal e de crust-punk e puish, mei recentament, a un thrash metal dab accents black.

Paraulas

Las paraulas d'Impaled Nazarene que son mei que mei en anglés (quauquas cançons en finlandés) e que hèn l'apologia de l'òdi, de la violéncia, deu murtre, de la guèrra, deu satanisme, etc... causas de las banalas, donc, dens lo metal... manca qu'en mei deus crestians e de l'umanitat en generau, eths que revendican de detestar tanben los comunistas e los omosexuaus. Los devís deu cantaire, en entervistas, que pòden deishar pensar qu'Impaled Nazarene seré un grop d'extrèma dreta qui auré avut l'intelligéncia de non pas ac díser "tròp" entà non pas se har boicotar peus labels e peus fans de metal apolitics o d'esquèrra. La tematica deu sèxe, sustot sadomasoquista, qu'ei hòrt presenta dens las loas paraulas tanben.

Discografia

• Goat Perversion (1992)
• Tol Cormpt Norz Norz Norz... (1993)
• Sadogoat (1993)
• Ugra Karma (1993)
• Suomi Finland Perkele (1994)
• Latex Cult (1996)
• Motorpenis (1996)
• Rapture (1998)
• Decade of decadence (2000)
• Nihil (2000)
• Absence of war does not mean peace (2001)
• All that you fear (2003)
• Death Comes In 26 Carefully Selected Pieces (2005)
• Pro Patria Finlandia (2006)