Immaculada Concepcion
L'Immaculada Concepcion es un dels dogmes de la Glèisa Catolica qu'afirma que la Vèrge Maria — maire de Jèsus de Nazaret — nasquèt immaculada del ventre de Santa Anna e que, doncas, foguèt preservada per Dieu del pecat original a l'ora d'èsser concebuda.Se cal pas confondre amb lo concèpte de la naissença virginal, que fa referéncia a la concepcion de Jèsus sens que la Vèrge Maria aja realizat l'acte conjugal amb lo sieu espós Josep de Nazaret.[1]
Aqueste fach implica que Maria non foguèt pas afligida pel pecat ni privada de gràcia, e que visquèt una vida liura d'actes impurs.[1] La siá immunitat fa contraste amb lo pecat que totes los èssers umans contractan (per l'eritatge d'Adam). En aquesta qualitat ven considerada la primièra persona « Plena de Gràcia » (Gratia Plena) come l'àngel la sonèt dins l'Evangile de Matèu (Mt. 6).
Es una de las brancas d'estudi de la mariologia, e lo catolicisme la celèbra coma festivitat l'8 de decembre, a pèna nòus meses abans de la Nativitat de Maria, que se commemòra l'8 de setembre.