IEO Arièja
La seccion d’Arièja de l’IEO foguèt creada en 1971. Aquesta entitat es plan activa per la reintroduccion de l'occitan dins la societat del país gràcias a de corses pels adultes d'un costat, d'eveniments de tota mena (fèstas, dictadas occitanas,...) e la publicacion d'autors de l'airal. Una de las realizacions mai importantas d'aquesta entitat foguèt la creacion en 1999 de l'Ostal Occitan de Pàmias. Se creèt tanben en 2004 lo Cercle Occitan del País d'Òlmes (a l'Avelhanet) e en 2006 lo Cercle Occitan de Foish.
Publicacions de l'IEO Arièja
[modificar | Modificar lo còdi]Aquesta institucion a publicat los libres de l'escrivan d'Amplanh: Joan Baptista Fornièr (En parant l'aurelha en 1992 e Le nas suls andèrs en 1996). Cal citar tanben la benda dessenhada Badaluna (1998) e l'Atlas Linguistique de l'Ariège selon l'enquête Sacaze de Jòrdi Ensergueix (2003).